مسابقه الغاز للاذكياء فقط

السلام عليكم
اخوانى اللعبه بتتكلم انى اقول لغز والى بعدى يحله
ويقول لغز تانى والى بعده يحلو ويقول لغز تالت وهكذا

ما هو الشيء المستخرج من نار فإذا وضع في النار ذاب ؟؟

لو مش عرفت والى بعدك مش
عرف الاجابه
السؤال يسقط والاجابه تظاف
وادخل بلغز تانى

للأسف مش عارف

يعنى هيا اول مره مانا كل مره بقول لغز وانتا تقولى مش عارف
مش بتحاولتشغل دماغك حتى

جيد و فى انتظار المزيد

ههههههههههههههههههه والله ماليا في الالغاز خالص وانا كل ماحاول انت تيجبلي لغز مش بيتحل اعمل ايه

قلى وانا هحله يا راؤف اهو اى حاجة نشغل نفسنا بيها

ايه يا عبدو انتا زى ميمو ولا ايه انا قلت دماغك شغاله ولا حاجه

على ما اعتقد يا رؤف
انه........
مممممممممممم
الزجاج

بس على فكرة السؤال دة محيرنى
بقاله كتير
ومش متاكدة
لان الزجاج اساسامن تراب تقريبا
مش عارفة هو حظ وخلاص
ههههههه

طبعاا انتى الوحيده الى بتشجعينى اعمل الغاز والله علشان دماغك حلوه وعجبانى
هوا فعلااا الزجاج
وبيتصنع من النار
ومنوره المنتدى ياباشا ومشكوره على الرد
وعاوز لغز يخلينى افكر فيه اوى ومش اعرف اجابته مع انه مش هيحصل أبدااااا

على فكره يا نور
الحديد والزجاج والحجات دى كلها بتتصنع من النار
والنار بتذوب اى شئ


مع تحياتى

طيب انا هعمل سؤال من عندى علشان تفكرى انتى

بلاد بلا سكان، وأنهار بلا مياه، وأرض بلا تراب، أين توجد ؟

ابقووو قابلونى لو جاوبتوه



مع تحياتى

طب واللى يحله تكافؤه بأيه

الى يطلبوا كفايه انه فكر فيه بس

وكمان دى مسابقه ومتعتها
انك تجاوبى اللغز
وتعملى لغز جديد
ومستمره بقى
الى ما لا نهايه

مع تحياتى

أوك
البلاد والانهار والارض اللى على الخريطة

هههههههههههههههههههههههههههههههههههه
دانتى جامده اوى
انا قلت هتفكر حتى
لحقتى على طول كده

شكلك منافسه جامده اوى
على الاسم بتاع امير الظلام
وعلى انى اكتر واحد بيجاوب على الغاز في المنتدى

استر يا رب
اعملى لغز جديد بقى الاجابه صحيحه تمام الصحه

واحد أخرس عاوز يقول لواحد أعمى أبوك مات يقوله إزاى

بسيطه اوى اوى اوى
الاخرس يكتب على ورقه
ويديها لواحد بيشوف ويقراها للاعما


يا رب تبقى صح هوا اللغز انا عارفه بس مش فاكر الاجابه بقى انا ونصيبى


مع تحياتى

منورانا يا اميرة الظلام

ومنور المسابقه يا عبدو
دلوقتى الاجابه بتاعتى صح ولا لا يا اميره الظلام
لو صح قولى علشان اعمل لغز
ولو غلط علشان افكر في اجابه صح


مع تحياتى

المشكلة انى مش عارفة الاجابة اعتبرها صح واعمل لغز جديد

على رايك صح يا رءوف برافو دا لغز صعب قوى انا بفكر فين من قول ما اتكتب

ههههههههههههههههههههههههههههههههههههههههههه
والله انتى زى العسل
ما هو الشيء الذي يشبه تماما نصف حبة البرتقال ؟

هو نصف البرتقاله
ههههههههههههههههههه

اشطه جواب صحيح
اعمل لغز جديد بقى